रुविना थापा
मायादेवी, २१ वैशाख । कोटहीमाई गाउँपालिकामा योजना अनुसारको काम अगाडि बढेको छ ।
भौतिक पूर्वधार विकासको लागि लगभग ४० प्रतिशत बजेट छुटाइएको ईन्जिनियर नवराज भण्डारीले जानकारी दिनुभयो । कोटहीमाई गाउँपालिकामा जम्मा ७ वडा रहेको छ । प्रत्येक वडामा योजना अनुसार नै विकासका कार्यहरु गर्दै आएको कुरा कोटहीमाई प्राविधिक सूचना शाखाले जानकारी दिएको छ ।
प्रत्येक वडाका आवश्यकता अनुसार १ करोड बजेट छुट्याइएको र त्यही बजेट अनुसार कामहरु भइरहेको गाउँपालिकाको सूचना शाखाले जानकारी दिएको छ । ७० प्रतिशत कामहरु पि.पि.सि.बाट भएको कोटहीमाई गाउँपालिकाको सूचना शाखाले जानकारी दिएकोे छ । स्वास्थ्य चौकीहरुको निर्माण कार्य भइरहेको २, ३, ६ वडामा पक्की ढालानबाटै निर्माण भएको छ । अरु बाँकी कार्यहरु भइरहेको सूचना शाखाबाट प्राप्त भएको छ ।
प्रदेश सरकारको बजेटबाट कृषिका लागि विद्युतीकरण गरिएको छ र प्रदेशको बजेटबाट यो कार्य सफल पार्न सहज भएको र स्थानीय समपूरक बजेट पालिकाबाट माग गरेको ई. नवराज भण्डारीले बताउनुभयो । बोरिङ्गबाट सिचाई, शुद्ध खाने पानीको लागि ह्याण्ड पाइप जडान गर्दै कार्यहरु अगाडि बढेको कोटहीमाई गाउँपालिकाको स्थानीय बासी बताउँछन् ।
सर्वेद्रनाथ शुक्लाको पहलमा मर्चवार आदर्श बहुमुखी विद्यालय निर्माणको लागि भारतीय एम्बेसीमा अनुदान माग गरेको ई. भण्डारीले जानकारी दिनुभयो । वडा नं. १ मा अवस्थित लाल विहारी विद्यालयको लागि २२ लाख राष्ट्रपत्ति शैक्षिक अनुदानमा निर्माण भईराखेको छ । त्यसमा गाउँपालिकाको १० प्रतिशत सहयोग रहेको छ । कालोपत्रे, सिमेन्ट बाट निर्माण कार्यहरु ५० लाखको बजेटमा भइरहेको ई. भण्डारीले जानकारी दिनुभयो ।
