रुविना थापा
मायादेवी, १९ जेठ । तिलोत्तमा नगरपालिकामा भौतिक पूर्वाधार निर्माण कार्य तिव्र गतिमा भई रहेको छ ।
तिलोत्तमा नगरपालिकाले आर्थिक वर्ष ०७९।०८० अनुसार भौतिक पूर्वाधार विकास निर्माण कार्यका लागि ८० करोड ६६ हजार बजेट विनियोजन भएको थियो ।
विकास निर्माणमा सिचाई तथा भवन निर्माण, आवास तथा सहरी, उर्जा लघु तथा साना जल विद्युत र बैकल्पिक उर्जा, स्थानीय सडक तथा पुल निर्माण जस्ता क्षेत्रहरुमा विकासका कार्यहरु दु्रतगतिमा अगाडि बढेको योजना शाखा प्रमुख पशुपति खनालले जानकारी दिनुभयो । विकास निर्माणको कार्यमा साढे ५ सय भन्दा माथि उपभोक्ता समिति गठन गरी ३४ वटा टेन्डरमा कार्य भइरहेको इन्जिनियर प्रदीप वनले जनाएको छ ।
भौतिक पूर्वधार निर्माणमा शीर्षक अनुसार ७० प्रतिशत कार्यहरु सम्पन्न भएको तिलोत्तमा नगरपालिकाका सूचना शाखाले जानाएको छ । उपभोक्ता समिति गठनमा वडापालिकाका भवनहरु ६, १४ नं. वडाका भवनहरु निर्माण कार्य भइरहेको छ र १५ सैया अस्पताल निर्माधिन भइरहेको तर केही अपुग बजेटको कारण निर्माण कार्य सफल हुन नसको अधिकृत खनालले बताउनु भएको छ ।
१७ करोड भुक्तानी माग गरेकोमा जम्मा ५ करोड मात्र भुक्तानी भएको तिलोत्तमा नगरपालिकाको गुनासो छ । नगरलाई सफा, सुन्दर र विकासमा अगाडि बढाउनको लागि नगरपालिकाका जनप्रतिनिधिहरु संधै तत्पर रहेको बेला भनेजति बजेट भुक्तानी नहुँदा समस्या परेको नगरपालिका सूचना शाखाको भनाई रहेको छ ।
