शहबाज खान
कृष्णनगर, २० जेठ । साउदी अरेबिया हजका लागि जाने नेपाली हज यात्रीलाई बिदाई गरिएको छ ।
नेपालका लागि साउदी अरेबियाको महामहिम राजदूत साद बिन नासेर अबु हैमदले नेपाली हज यात्रीलाई बिदाई गरेका हुन् ।
साउदी अरेबिया जान लागेका नेपाली हज यात्रीहरूको पहिलो समूहलाई हैमदले बिदाई गरेको हुन् । पहिलो समुहमा नेपालका २ सय ६८ जना हज यात्रीलाई शुक्रबार राति विदाई गरिएको हो ।
राजदूत अबु हैमदले साउदी अरेबियाको सरकारले तीर्थ यात्रीहरूलाई स्वागत गरेका छन् ।
दुई पवित्र मस्जिदका संरक्षक र युवराज प्रधानमन्त्रीको निर्देशनमा साउदीले हज यात्रीलाई स्वागत गरेको बताए । अल्लाहका पाहुनाहरूको पूर्ण ख्याल राख्ने, शान्ति राख्ने, आध्यात्मिकताको वातावरणमा हजको सुविधा र अनुष्ठानहरू गर्नका लागि उत्कृष्ट सेवाहरू प्रदान गर्न सबै क्षमता र प्रयासहरू प्रयोग हुने जनाइएको छ ।
यस वर्ष करिब १ हजार २ सय नेपाली हज गर्न साउदी अरेबिया जाने गृह मन्त्रालयले जनाएको छ ।
