अन्जना चौहान
लुम्बिनी, ११ असार । रुपन्देहीमा सशस्त्र प्रहरीले २ करोड मुल्य बराबरको सुन सहित गाडी र चालकलाई नियन्त्रणमा लिएको छ ।
नेपालबाट भारत पतर्फ लैजादै गरेको अस्थामा दुई वटा सुनको इट्टा सहित बा१२च.३८२० नम्बरको मारुति सुजुकी कार र चालकलाई नियन्त्रणमा लिएको सशस्त्र प्रहरी बल रुपन्देहीका सशस्त्र प्रहरी उपरीक्षक दिपक थापाले जानकारी दिएका छन् ।
सुचनाको आधारमा प्रहरीले चेकजाँच गर्दा ईट्टा आकारमा रहेको २ थान सुन जस्तो देखिने वस्तु बरामद गरी गाडी चालकलाई नियन्त्रणमा लिई भैरहवा भन्सार कार्यालयमा बुझाइएको छ । रुपन्देहीको लुम्बिनी साँस्कृतिक नगरपालिका वडा नम्बर १३ कालिदह डिवोपि बदघाटवाट खटिरहेको टोली इन्सपेक्टर शरण बहादुर खडकाले जानकारी दिएका छन् ।
केही दिन देखि गोप्य सुचनाहरु आइरहेको अवस्थामा ९ गते शनिवार राती रुपन्देही लुम्बिनी साँस्कृतिक नगरपालिका वडा नम्बर १३ कालिदह क्षेत्रवाट उनीहरुलाई नियन्त्रणमा लिएको सशस्त्र प्रहरीले जानकारी दिएको छ ।
भन्सारमा २ करोड ६५ हजारको सुन मुल्याङ्कन गरी भैरहवा भन्सार कार्यालयमा पठाएको सुन, गाडी र चालकको विषयमा थप अनुसन्धान भइरहेको सशस्त्र प्रहरी उपरीक्षक थापाले जानकारी दिएका छन् ।
