रुविना थापा
भैरहवा, २९ असार । जिल्लाको सदरमुकाम भैरहवा स्थितित उत्कृष्ट परिचय बनाएको साइग्लोबल मा.वि.को कक्षा ११ मा भर्नाका लागि ५११ नयाँ विद्यार्थीले प्रबेश परीक्षा दिएका छन् ।
कुल ५११ मध्य विज्ञान संकायमा २१५ र व्यवस्थापन संकायमा २९६ ले प्रबेश परिक्षा दिएको विद्यालयको भर्ना शाखाले जनाएको छ ।
भर्खरै प्रकाशित एसईई नतिजामा उत्कृष्ट नतिजा प्राप्त गरेका विद्यार्थीहरु उक्त कलेजको प्रवेष परिक्षामा सहभागी भई कक्षा ११ मा भर्ना हुनका लागि आतुर रहेकाले प्रवेश परीक्षा सञ्चालन गरेको बिद्यालय प्रशासनले जनाएको छ ।
प्रवेष परीक्षामा उत्तीर्ण गरेका ५११ मध्य विज्ञान र व्यवस्थापन भर्ना हुने साइग्लोबल कलेजको सूचना शाखाले जानकारी दिएको छ ।
व्यवस्थापन संकाय र विज्ञान संकायमा प्रध्यापन गराउने साईग्लोबल विद्यालय भैरहवाको उत्कृष्ट विद्यालय भित्र पर्दछ । यस कलेजमा हाल उत्तरमा बुटवलबाट, पश्चिमा लुम्बिनी कपिलवस्तु देखि, पुर्वमा परासी, दक्षिणमा बेलहिया, मर्चवार र भैरहवा क्षेत्रका विद्यार्थीहरु अध्ययन गर्न आउने गरेको संस्थाका प्रवन्धक निर्देशक मोती पौडेलले जानकारी दिए ।
यस क्षेत्रमा निरन्तर शिक्षाका गुणस्तर प्रदान गर्दै आईरहेको यस विद्यालयले आगामी दिनमा थप गुणस्तर प्रदान गर्ने प्रतिवद्धता व्यक्त गरेको विद्यालयका प्राचार्य कौशलराज गौतमले बताए । प्रार्चाय गौतमले विद्यार्थीको रोजाईमा परेका कारणले पनि अहिले आफुहरुले सख्यात्मक भन्दा गुणस्तरलाई ध्यान दिएको जानकारी दिए ।
स्नातक तहको समेत प्रध्यापन हुने साईग्लोवल भैरहवा क्षेत्रको शैक्षिक हवको विकासमा महत्वपुर्ण भुमिका खेलेको छ । त्यसैले पनि यहाँ अधिक सख्यामा विद्यार्थीहरु भर्ना हुन आउने गरेका छन् ।
