लुम्बिनीखबर
सिद्धार्थनगर, १५ साउन । रुपन्देहीको सिद्धार्थनगर नगरपालिका स्थित आस्था महिला उद्यमी संघ द्वारा धुप बनाउने तालिम विहिवारदेखि शुभारम्भ हुनेभएको छ ।
यो तालिम सिद्धार्थनगर नगरपालिका वडा नम्बर १ देखि १३ नम्बरका सबै महिलाहरुलाई धुप बनाउन सीप सिकाई स्वरोजगारी बनाउनेका लागि आयोजना गरिएको आयोजक आस्था महिला उद्यमी संघ अध्यक्ष विन्द ु न्यौपानेले जानकारी दिनुभयो ।
यो तालिम उद्यमशीलताका लागि स्वरोजगार तालिम अन्तर्गत रहेर ३ दिने धुप बनाउने साउन १८ गते विहिवार देखि २० गते शनिवार सम्म तालिम दिने अध्यक्ष न्यौपानेले बताउनुभयो । तालिम विहान ११ बजेदेखि २ बजे सम्म अर्थात ४ घण्टा प्रशिक्षण गर्ने आयोजक स्रोतले जनाएको छ ।
कार्यक्रम सिद्धार्थनगर नगरपालिका वडा नम्बर ९ स्थित उद्योग व्यापास संगठनको सभाहालमा हुने भएको छ ।
यो सीपमुलक कार्यक्रम सावित्री भण्डारीको समायोजकत्वमा र आस्था महिला उद्यमी संघका अध्ययक्ष विन्दु न्यौपानेको अध्यक्षतामा आयोजना हुनेभएको छ ।
