असलम खाँन
मर्चवार, १८ साउन । रुपन्देही जिल्लाको मर्चवार क्षेत्रबाट प्रकाशन हुँदै आएको मर्चवार सन्देश साप्ताहिक पत्रिकाको कार्यालयमा सोमवार ढुंगा प्रहार भएको छ ।
रुपन्देहीको कोटहीमाई गाउँपालिका वडा नम्बर ७ मिडिया चोकमा राति ९ बजेको समयमा समाचारको विषयलाई लिएर ढुङ्गा प्रहार भएको छ ।
मर्चवार सन्देश साप्ताहिक पत्रिकाको कार्यालयमा भएको घटना प्रति नेपाल पत्रकार महासंघ रुपदेहीले १६ गते मंगलवार प्रेस विज्ञप्ति निकाली घटना प्रति आफनो गम्भिर ध्यानाकर्षण जनाएको छ ।
साथै उक्त कार्यालयमा प्रवेश गरी हुलहुज्जत गर्ने समूहलाई कारवाही गर्न नेपाल पत्रकार महासंघ रुपन्देहीले माग गरेको छ ।
समाचारको विषयलाई लिएर मर्चवारी गाउँपालिका–१ सेमरा बस्ने रिंकु ढाँडी, वडा नम्बर १ हरिनगाढे बस्ने अजय यादव, वडा नम्बर १ कचरिहवा बस्ने विकास यादव र वडा नम्बर ३ सेमरा बस्ने अमर यादव रहेका थिए ।
यी व्यक्तिहरु सामेल भई कार्यालयमा पसी हुलहुज्जत गर्दै पत्रिकाको कार्यालयमा ढुंगा प्रहार गरी आतंकित परेका छन् । विज्ञप्तीमा उल्लेख छ ।
पत्रकार महासंघ रुपन्देहीका सचिव विनोद परियार द्वारा जारी विज्ञप्तीमा भनिएको छ, ‘समाचारका विषयमा चित्त नबुझेमा प्रेस काउन्सीलमा उजुरी गर्न सक्ने प्रावधान हुँदाहुँदै सञ्चार गृह माथि नै आक्रमण गर्ने र पत्रकारलाई असुरक्षित बनाउने कार्य निन्दनीय छ ।
नेपाल पत्रकार महासंघ रुपन्देहीका साधारण सदस्य हृदयराम गुप्ता प्रकाशक र कार्यकारी सम्पादक रहेको मर्चवार सन्देश पत्रिका साताको आइतबार मर्चवार क्षेत्रबाट प्रकाशित हुँदै आएको छ ।
रातिको समयमा कार्यालयमा पसी ढुङ्गा प्रहार गरी कार्यालयलाई क्षति पुर्याउने समुहलाई कारवाहीको दायरामा ल्याउन प्रहरी संग नेपाल पत्रकार महासंघ रुपन्देहीको जोडदार माग पनि रहेको छ ।
