शहबाज खान
कृष्णनगर, २९ साउन । कपिलबस्तु जिल्लाको कृष्णनगर नगरपालिक वडा नम्बर ५ मा पर्ने बगही गाउँमा एकै परिवारका २ बालक दाजु भाई मृत अवस्थामा फेला परेका छन् ।
मंगलवार देखि हराएका ५ वर्ष र ७ वर्षका दाजुभाई राजन यादव र साजन यादवको शव घर नजिकैको पोखरीमा फेला परेको ईलाका प्रहरी कार्यालय कृष्णनगरले जनाएको छ ।
प्रहरीलाई घरबाट हराएको भनी राति ९ बजे जानकारी भए पनि दुवै दाजुभाई शव बुद्धवार विहाना भेटिएको थियो ।
माटो खन्न गरेको खाल्लोमा पानी जमेको खल्डो भित्र दाजुभाईको शव फेला परेको प्रहरीले जनाएको छ । दुवै शवलाई बहादुरगंज स्थित शिवराज अस्पतालमा पोस्टमार्टम गरि परिवारलाई बुझाइएको छ भने घटनाको विषयमा थप अनुसन्धान भइरहेको ईलाका प्रहरी कार्यालय कृष्णनगरले जनाएको छ ।
