असलम खाँन । लुम्बिनीखबर
मर्चवार, ११ चैत । रुपन्देहीको इलाका प्रहरी कार्यालय मर्चवारले विभिन्न ठाउँबाट भन्सार छली चोरी पैठारी गरी ल्याउदै गरेको समान समातेको जनाएको छ ।
इलाका प्रहरी कार्यालयबाट खटिएको प्रहरी टोलीले मर्चवारको विभिन्न ठाउँबाट चामल ९ बोरा, भारत डि.ए.पी. ३ बोरा, युरिया मल ६ बोरा, धान ३ बोरा, पियाज १ बोरा, ब्रान ७ बोरा, कपडा साडी १० थान, सर्ट र कुर्ता कपडा ३७ थान, पेय पदार्थ कोकाकोला, ३६ बोतल, र चुरोट १५०० डब्बा बरामद गरेको हो ।
भारतबाट नेपालतर्फ अबैध रुपमा भन्सार छली चोरी पैठारी गरी ल्याउदै गरेको अन्दाजी २ लाख ५० हजार बराबर मुल्य भएको अबैध समान आवश्यक कारबाहीका लागी भैरहवा भन्सार कार्यालय बेलहिया पठाइएको इलाका प्रहरी कार्यालय का प्रहरी निरिक्षक रेशम प्रसाद अचार्यले जानकारी दिनु भएको छ ।
