भैरहवा, मङ्सिर १६ । जिल्ला प्रहरी कार्यालय रुपन्देहीबाट खटिएको प्रहरी टोलीले सम्मानित अदालतको विभिन्न मितिमा भएको फैसलाबमोजिम फरार रहेका दुई प्रतिवादीलाई पक्राउ गरी कैद तथा जरिवाना भुक्तानका लागि रुपन्देही जिल्ला अदालतमा पेश गरेको छ ।
मिति २०८० साल फागुन १३ गतेको फैसलाअनुसार बैंकिङ कसूरको मुद्दामा २ महिना कैद र रु. ६४ लाख ४५ हजार जरिवाना फैसला भएका तिलोत्तमा नगरपालिका वडा नं. १ बस्ने अखलेश यादव (अखलेश यादव भन्ने अखलेश यादव) लाई प्रहरीले पक्राउ गरेको छ ।
मिति २०८० साल असार ६ गतेको फैसलाबमोजिम कुटपिट अंगभंग मुद्दामा १ महिना कैद र रु. एक हजार जरिवाना फैसला भएका ओमसतिया गाउँपालिका वडा नं. ४ बस्ने पप्पु कुर्मी (पिताम्बर चौधरी भन्ने पप्पु कुर्मी) लाई पनि पक्राउ गरी अदालतमा पेश गरिएको छ ।
फरार प्रतिवादीहरूको खोजी तथा पक्राउ कार्यमा जिल्ला प्रहरी कार्यालय रुपन्देहीको टोली सक्रिय रहेको छ । यस विषयमा जानकारी दिँदै सूचना अधिकारी प्रहरी नायब उपरीक्षक नवीन पौडेलले कानूनी पालना सुनिश्चित गर्न यस प्रकारका गतिविधिहरूलाई निरन्तरता दिइने बताए ।
