प्रहरीको अनुगमन कार्य जारी
असलम खाँन
मर्चवार, ९ बैशाख । रुपन्देहीको मर्चवार क्षेत्रमा पर्ने कोटहीमाई गाउँपालिका वडा नम्बर ५ दुईमोहानमा जमिन मुनि गाडिएको गोरुलाई बाहिर निकालेर प्रहरीले अनुसन्धान गर्न गरेका छन् ।
विष्णुपुरामा विहिबार बिहान धारिलो हतियारको प्रयोग गरी मारेको गोरुलाई स्थानीय चन्द्रीका यादवले दुईमोहानको बालुवामा गाडेका स्थानीय राम गणेश पालले बताएका छन् । घटना बारे खबरपछि गोरुलाई गाडेको ठाउँमा प्रहरीले पुग्न साथ चन्द्रीका यादव सोही ठाउँबाट फरार भएको पालले बताएका छन् ।
फरार भएका चन्द्रीका यादवले नै गोरुलाई मारेको संका गरिएको पालको भनाई छ । गोरुलाई कलेजोमा पर्ने गरी घरेलु धारिलो हतियारको प्रयोग गरी हत्या गरिएको ईलाका प्रहरी कार्यालय मझगावाँका प्रहरी निरीक्षक पंकज चुदालीले बताएका छन् । जिल्ला पशु अस्पताल भैरहवाबाट आएको टोलीले पोष्ट मार्टम गरे अनुसार गोरुको शरीरमा १ इन्च गोलो १३ इन्च गहिरो प्वाल भएको प्रहरी निरीक्षक चुदालीले जानकारी दिएका छन । गोरुलाई बालुवामा खाडन प्रयोग गरिएको लु१क१३७८ नम्बरको हेस्काभेटरको गाडी धनी रामदेव कुर्मीसंग सोधपुछ तथा घटनामा संलग्न भएको अन्य ब्यक्तिहरुको खोज तलास भइरहेको प्रहरी निरीक्षक चुदालीले बताएका छन् ।
स्थानीय प्रत्यक्षदर्शीको भनाई अनुसार फरार रहेका चन्द्रीकालाई पनि खोज तलास भइरहेको बताएका छन् । घटनाबारे थप अनुसन्धान सहित मुद्दा दर्ता गर्ने प्रकृया अगाडी बढाईएको प्रहरी निरीक्षक चुदालीले बताएका छन् ।
