लुम्बिनीखबर
भैरहवा, १६ असार । रुपन्देही, पाल्पा लगायत आसपासका जिल्लामा निरन्तरको वर्षासँगै तिनाउ नदीमा जलसतहले सतर्कता तह पार गर्ने चेतावनी दिइएको छ ।
बाढी मापन केन्द्र बुटवलले सूचना जारी गर्दै पछिल्लो ३ घण्टा तिनाउ जलाधारको बुटवल, पाल्पा र आसपासका क्षेत्रमा ठूलो वर्षा भई तटीय क्षेत्रमा बाढीको जोखिम बढेको छ ।
तिनाउ नदीका तटीय क्षेत्र र आसपास डुबान हुनसक्ने होचा स्थानमा हुनेहरू दिउँसो ३ बजेसम्म उच्च सतर्कता अपनाउन आग्रह गरिएको छ ।
यसै गरी नवलपरासीको देउराली र आसपासको क्षेत्रमा पछिल्लो ३ घण्टामा भारी वर्षा मापन भएको छ। रुपन्देही र आसपास भारी वर्षा भएको छ । उक्त जिल्ला भई बहने ससाना खहरे खोलामा आकस्मिक बाढी हुनको साथै होचा स्थानमा डुवान हुन सक्ने भएकोले नदी तटिय क्षेत्रमा हुनेहरु उच्च सतर्कता अपनाउन आग्रह गरिएको छ ।
