लुम्बिनीखबर
भैरहवा, ११ जेठ ।
ईलाका प्रहरी कार्यालय सालझण्डीले रुपन्देहीको सैनामैना–१०, सालझण्डी बजारबाट लागुऔषधसहित ४ युवालाई पक्राउ गरेको छ । लागु औषध खैरो हेरोइनको खरिद बिक्री कारोबार भइरहेको गोप्य सूचनाको आधारमा प्रहरीले सोमबार उनीहरुलाई पक्राउ गरेको हो ।
पक्राउ पर्नेमा कञ्चन गाउँपालिका– ५ बस्ने १८ वर्षीय प्रतिक थापा, सैनामैना–१० का २६ वर्षीय ‘पट’ भन्ने सुनिल थारू, सोही स्थानका २८ वर्षीय ‘जिसस’ भन्ने जित बहादुर दर्लामी र २५ वर्षीय ‘डि के’ भन्ने दिनेश कुमार पुन रहेका छन् । शरिर खानतलासी गर्दा उनीहरुको साथबाट ३२ थान पुडियामा गरी जम्मा २५६० मिली ग्राम लागुऔषध खैरो हेरोइन फेला पारिएको प्रहरीले जनाएको छ ।
