अन्जना चौहान । लुम्बिनीखबर
लुम्बिनी, १२ भदौ । रुपन्देहीको गैडहवा गाउँपालिकामा अव्यवस्थित बसोबासीको व्यवस्थापनको लागि नाप नक्सा सुरु भएको छ ।
राष्ट्रिय भूमि आयोगले जारी गरेको भूमिहिनता अन्त्यको राष्ट्रिय अभियानलाई मध्य नजर गरेर गाउँपालिकाले भुमिहिन सुकम्वासी र अव्यवस्थित बसोबासीको व्यवस्थापनको लागि नाप नक्सा आइतवारदेखि शुभारम्भ भएको छ ।
गाउँपालिकामा भूमिहिन दलित, भूमिहिन सुकुम्बासी र अव्यवस्थित बसोबासीहरुको जग्गा नापजाँच कार्य सुरु भएको छ ।
राष्ट्रिय भुमि आयोग रुपन्देही र गाउँपालिकाको आयोजनामा भुमिहिन, सुकुम्बासी र अव्यवस्थित बसोबासिहरुको व्यवस्थापनको लागि नापजाँच सोही गाउँपाकिलाको वडा नम्बर ९ बाट शुभारम्भ भएको थियो ।
सो शुभारम्भ समारोह राष्ट्रिय भुमि आयोग रुपन्देहीका अध्यक्ष हरि बहादुर आचार्यले वडा नम्बर ९ बाट सुकुम्बासी जग्गा नापजाँच गरी सुरु भएको थियो ।
उक्त समारोह माओवादी केन्द्र गैडहवाको पहलमा भएको छिटै नै प्रधानमन्त्री प्रचण्डबाट लालपुर्जा वितरण गर्ने गरि काम गर्ने गराउने प्रतिबद्धता समेत राष्ट्रिय भुमि आयोगका अध्यक्ष आचार्यले बताएका थिए ।
जग्गा नापजाँचका लागि प्राविधिक टोली पूर्ण रुपमा फिल्डमा नै रहने हुनाले वडा अध्यक्षसँग समन्वय गरी आ–आफ्नो जग्गा नापी गराउने जनाएका थिए ।
साथै साँध–साधियारमा आउने असमझदारीहरुलाई वडा सहजिकरणले फिल्डमै बसेर सहजिकरण गरी मिलाउने र प्राविधिक टोलीलाई प्राविधिक कार्यमा केन्द्रित हुने वातावरण मिलाएर नापजाँच गर्ने जनाएका थिए ।
