ज्ञानेश्वर सहानी / नवलपरासी
२५ मंसिर । नवलपरासी पश्चिमको सरावल गाउँपालिका वडा नम्बर–६ भुजहवाका युवा समाजसेवी विरेन्द्र यादवले जिल्लाको सरावल गाउँपालिका भित्रमा शववाहन अभावका कारण गरिब र विपन्न परिवारले भोग्दै आएका कठिनाइलाई सम्बोधन गर्दै उदाहरणीय कार्यको थालनी गरेका छन् । उनले मृतकको शव व्यवस्थापनका लागि आफ्नै निजी गाडी गरिब तथा विपन्न परिवारलाई निःशुल्क उपलब्ध गराउने घोषणा गर्दै यसलाई व्यवहारमा पनि लागू गरेका छन् ।
शववाहन अभावले निम्त्याएको पीडालाई काम गर्न यस्तो कामको थालनी भएको हो । नवलपरासी पश्चिम लगायत धेरै ग्रामीण क्षेत्रमा शववाहनको सुविधा निकै सीमित छ । अधिकांशले निजी गाडी भाडामा लिएर शव व्यवस्थापन गर्नुपर्ने बाध्यता छ, जसका लागि आर्थिकरूपमा कमजोर परिवारहरूले ठूलो चुनौतीको सामना गर्नुपर्छ । कतिपय अवस्थामा परिवारले शवलाई ढुवानी गर्नसमेत असक्षम हुने अवस्था आउँछ । यस्तो कठिन परिस्थिति प्रत्यक्ष अनुभव गरेका विरेन्द्र यादवले यस समस्याको समाधानका लागि आफ्नो निजी स्रोत साधनलाई जनताको सेवामा समर्पण गर्ने साहसी कदम चालेका हुन् ।
विरेन्द्र यादवले केही दिन अघि सामाजिक सञ्जाल र मिडियो मार्फत गरिब र विपन्न वर्गका लागि आफ्नो निजि गाडी निःशुल्क शववाहनकारूपमा उपलब्ध गराउने घोषणा गरेका थिए । यो घोषणा धेरैका लागि मात्र शब्दमा सिमित लागे पनि उनले आफ्नो प्रतिबद्धतालाई व्यवहारमा उतारेर जनताको विश्वास जितेका छन् ।
सोमबार, उनले सरावल–६ बडसारका जगदिस भरका मृतक बुबाको शव व्यवस्थापनका लागि आफ्नो निजी गाडी निःशुल्क उपलब्ध गराए । यो कार्यले न केवल उनको घोषणाको सत्यता प्रमाणित ग¥यो, बल्कि समाजमा मानवता र सहयोगको उदाहरण पनि प्रस्तुत ग¥यो ।
विरेन्द्र यादवको यो कदमले स्थानीय समुदायको मन जितेको छ । “पालिका स्थानिय सरकारले गर्न नसकेको काम यादवले गरेर देखाए’’ स्थानीय बासिन्दाहरूले भने । उनीहरूको अनुसार, यस्तो कार्यले समाजमा सकारात्मक परिवर्तन ल्याउन मात्र होइन, समुदायमा मानवीयता र सहकार्यको भावना पनि जागृत गरेको छ ।
यादवले यो सेवालाई सहज बनाउनका लागि दुईवटा सम्पर्क नम्बर सार्वजनिक गरेका छन् । ९८५७०४६३१९ र ९८२१४९२८९० । कुनै पनि गरिब वा विपन्न परिवारका सदस्यको मृत्यु भएमा यी नम्बरहरूमा सम्पर्क गरेपछि पिकअप गाडी मृतकको घरमै पठाउने व्यवस्था गरिएको छ ।
नवलपरासी पश्चिम सरावल गाउँपालिका–६ का विरेन्द्र यादवले शववाहन अभावले गरिब तथा विपन्न परिवारले भोग्दै आएका कठिनाइ समाधान गर्न आफ्नो निजी गाडी नि:शुल्क शववाहनका रूपमा उपलब्ध गराउन थालेका छन्। सोमबार, उनले पहिलोपटक बडसारका मृतकको शव व्यवस्थापनमा गाडी उपलब्ध गराई समाजसेवाको उदाहरणीय कार्य गरेका छन्। यादवको यो कदमले स्थानीय सरकारलाई जिम्मेवारीबोध गराउँदै समाजमा मानवता र सहयोगको भावना प्रवर्द्धन गरेको छ।
जिल्लामा शववाहनको अभाव भनेको स्थानीय सरकारको एक गम्भीर कमजोरी हो । धेरै पटक गरिब तथा विपन्न वर्गले शहरी सुविधाबाट बञ्चित हुनु परिरहेको छ । यस अवस्थामा, विरेन्द्र यादवले व्यक्तिगतरूपमा चालेको कदमले सरकारलाई पनि गम्भीरताका साथ यस्तो समस्याको समाधान गर्न प्रेरित गर्न सक्छ ।
विरेन्द्र यादव समाजमा गरिब, विपन्न र अशक्तहरूको सहयोगका लागि विगत देखि नै परिचित छन् । उनको यो प्रयास कुनै पनि आर्थिक लाभ वा प्रचारमुखी उद्देश्य भन्दा बाहिर छ । उनी भन्छन्, “गरिब र विपन्न परिवारलाई शव व्यवस्थापनमा आर्थिक संकटका कारण थप पीडा सहन नपरोस् भन्ने मेरो चाहना हो । यो मेरो जिम्मेवारी हो, जुन म सम्पादन गर्दै छु ।’’
यादवको यस्तो प्रयासले जिल्लामा समाजसेवाको नयाँ आयाम थपेको छ । स्थानीय बासिन्दाहरूको आशा छ कि अन्य व्यक्ति तथा संस्थाहरूले पनि उनलाई अनुसरण गर्नेछन् । यादवको यो कदमले समुदायलाई केवल राहत मात्र दिएको छैन, सामाजिक सद्भाव र सहयोगको संस्कृति प्रवर्द्धन गर्न पनि महत्त्वपूर्ण भूमिका खेलेको छ ।
गरिब र विपन्न वर्गको सेवामा समर्पित विरेन्द्र यादवको यो अभियानले समाजमा सहयोग र सहानुभूतिको सन्देश प्रवाह गरेको छ । यो कदम केवल व्यक्तिगत प्रयासमा सिमित रहनु हुँदैन । स्थानीय सरकारले यस्तो प्रयासलाई संस्थागतरूपमा अगाडि बढाउनु आवश्यक छ । यादवको यो कदमले समाजलाई मानवता र सहयोगको महत्व सम्झाएको छ । यस्तो उदाहरणीय प्रयासले समाजको संरचना बलियो बनाउन सहयोग पुर्याउनेछ । उनका कार्यहरू अन्य व्यक्तिहरूका लागि प्रेरणादायी बन्न सक्दछन् ।
