आशिष चौधरी
भैरहवा, चैत्र २९ । कृषि र पशु विज्ञान अध्ययन संस्थान् पक्लिहवा क्याम्पसमा अनेरास्ववियू (क्रान्तिकारी) मा नारायण आचार्यको नेतृत्वमा २३ सदस्यीय नयाँ इकाई समिति गठन भएको छ ।
स्वतन्त्र विद्यार्थी युनियनको निर्वाचन पछि रिक्त हुन गएको पदपूर्तीको लागि नयाँ इकाई गठन भएको नव निर्वाचित अध्यक्ष आचार्यले जानकारी गराए । यसअघि नै अखिल (क्रान्तिकारी) का अध्यक्ष रिकेश श्रेष्ठ स्ववियु निर्वाचनमा विजय भए पछि वरिष्ठ उपाध्यक्ष नारायण आचार्य कार्यवाहक अध्यक्षका रुपमा कार्यरत थिए ।
सोमबार नेकपा माओवादी केन्द्र रुपन्देही जिल्ला सह–संयोजक अनुप बरालको प्रमुख आतिथ्यतामा सम्पन्न भएको इकाई भेला तथा प्रशिक्षण कार्यक्रममा अनेरास्ववियू (क्रान्तिकारी) रूपन्देही जिल्ला अध्यक्ष रुपेश पौडेलले इकाई विघटन गरेका थिए ।
