लुम्बिनीखबर
भैरहवा, ५ भदौ । भैरहवा स्थित रण अम्बिका शाह आँखा अस्पताल प्रशासनले त्यहाँ कार्यरत सुरक्षा गार्डमाथि डर, धाक धम्कीपूर्ण व्यवहार गर्दै आएको छ ।
अस्पताल प्रशासनले सुरक्षा गार्डले टे«ड युनियन गठन गरेको भन्दै साप नेपाल सेक्युरिटी मार्फत अस्पतालमा कार्यरत सुरक्षा गार्ड कमाण्डर रामवृक्ष ठाकुर लगायतका अन्य गार्डलाई सेवा बाट निष्कासित गर्ने भन्दै धम्की दिएको छ । अस्पताल प्रशासनका प्रमुख आमोद सिंहले टे«ड युनियन गठन गरेको बहानामा धम्की दिने गरेको ठाकुरले गुनासो गरेका छन् ।
साप नेपाल सेक्युरिटी मार्फत अस्पतालमा कार्यरत गार्डलाई सुरक्षा सेवामा कमी कमजोरी भए कम्पनी लाई जानकारी गराउनु पर्नेमा अस्पताल प्रशासनले कम्पनीलाई जानकारी नै नदिई गार्डलाई सेवाबाट निष्कासित गर्ने धम्की दिने गरेको छ । साप सेक्युरिटी अन्तर्गत उक्त अस्पतालमा २८ जना सुरक्षा गार्ड कार्यरत रहेका छन् ।
एक वर्षको सुरक्षा सम्झौता गरेको अस्पतालले कम्पनिसँग कुनै लिखित वा मौखिक जानकारी नै नगराई आफूहरुलाई अस्पताल प्रशासनले अन्यायपूर्ण व्यवहार गरेको गार्ड कमाण्डर ठाकुरले बताए । उनले अस्पतालको सुरक्षामा आफूहरुको कुनै कमजोरी नभएको दाबी गर्दै सेक्युरिटी गार्डहरुको हक अधिकारका लागि टे«ड युनियन गठन गर्दा अस्पताल प्रशासनबाट अवरोध गरिनु दुर्भाग्यपूर्ण भएको बताए ।
जिफन्टका केन्द्रीय परिषद सदस्य उत्तम श्रेष्ठले युनियन गठन गर्न पाउनु मजदुरहरुको अधिकारलाई अस्पताल प्रशासनले रोक लगाउनु र सुरक्षा गार्डलाई युनियन गठन गरेको नाममा धक्की दिनु निन्दनीय कार्य भएको बताए ।
उनले सेक्युरिटी कम्पनीसँगको सम्झौतामा कार्यरत सुरक्षा गार्डलाई व्यक्तिगत तवरले अस्पताल प्रशासनले धम्की दिनु दादागिरी भएको बताउँदै प्रशासन समयमै सचेत नभए कानुनी उपचार खोज्ने बताए । पछिल्लो समय रण अम्बिका आँखा अस्पतालमा बेथितिका घटनाहरु बढदै गएका छन् । यस सम्बन्धमा अस्पताल प्रशासनका व्यवस्थापक आमोद कुमार सिंह भने प्रशसाशनले कुनै किसिमको धम्की नदिएको र कर्मचारी प्रती आफुहरु सचेत रहेको बताएका छन् । उनले अस्पतालको आन्तरिक मामिलाका बिषय बाहिर गएकाले केहो भनि सोधपुछ गरेको जानाकारी दिए ।
