गोविन्द प्रसाद गिरी
भैरहवा,पुस ३ । लाइफ इन्सुरेन्स कर्पोरेसन नेपाल लिमिटेड ( एलआइसी नेपाल) ले दुर्घटना वाट मृत्यु भएका रुपन्देही बासगढीका ३४ बर्षिय शंकर कुंवरको परिवारलाई दुर्घटना विमा बापत १३ लाख रुपैया हस्तान्तरण गरेको छ ।
२०७३ साल साउन २ गते बैदेशिक रोजगारको लागी कतार जादाँ कुवँरले बैदेशिक रोजगार दुर्घटना विमा एलआईसी नेपालमा गरेका थिए । बैदेशिक रोजगार म्यादी जिवन विमा बापत २७ सय तिरेपछि विमितले १३ लाख रुपैया पाउने व्यवस्था रहेको छ ।
एलआइसी नेपालको बैदेशिक रोजगार म्यादी जिवन विमा वापतको रकम विमितको कुनै दुर्घटना भएर मृत्यु भएको खण्डमा दिने गरिएको छ ।
कुंवरको पनि कतारमा रोजगार गरि नेपाल फर्किसकेपछि काठमान्डौ वाट घर आउने क्रममा मंसीर १३ गते लु२ ख २९१ नम्बरको बस त्रिसुली नदिमा दुर्घटना भैई मृत्यु भए संगै परिवारले उक्त रकम पाएको हो ।
मृत्यु भएका कुंवरको परिवारलाई एलआइसी नेपाल बुटवल शाखा प्रमुख सुर्य जिसीले एक कार्यक्रमका विच उक्त रकमको चेक हस्तान्तरण गरेका हुन । एलआइसी नेपालले डेथ क्लेम अन्र्तगत कुनै पनि विमितको परिवारलाई सहजै इन्सुरेन्स बापत पाउने रकम उपलव्ध गराउने गरेको एलआइसी नेपालका एजेन्सी म्यानेजर नवराज गौतमले जानकारी दिए ।
बैदेशिक रोजगारका लागी कतार पुगेर एक महिने बिदामा नेपाल आएका कुंवरको मृत्यु संगै उनको परिवारले पाएका यो रकमले छोरा छोरिको शिक्षा दिक्षामा लगानी गर्ने उनको पारिवारिक स्रोतले जानाकारी दिएको छ ।
कुंवरको घरमा बृद्ध आमा, श्रीमती, एक ५ बर्षिया छोरी र १० महिनाको छोरा रहेका छन् । बुवाको मृत्यु पछि निकै दुःख र कष्टका साथ हुर्काएर बैदेशिक रोजगारमा पुगेर फर्किएको छोराको दुर्घटनामा मृत्यु भएपछि उनकी आमालाई ठुलो बज्रपात परेको छ । कुंवरले आफ्नो मृत्यु संगै १० महिनाको छोराको समेत मुख सम्म हेर्न पाएनन् । उनको मृत्यु संगै उनकी श्रीमतीको काघमा परिवारिक जिम्मेवार थपिएको छ ।
