भैरहवा,चैत १६ गते । गाविसहरुमा रहेका वडा नागरिक मञ्चका संयोजक र नागरिक सचेतना केन्द्रका सदस्यहरुलाई पाल्पामा रहेको एलओडिसी नामक एक गैरसरकारी सस्थाले विभिन्न किसिमका कार्यक्रमहरु आयोजना गरेको छ ।
संस्थाले गाविसहरुमा पुगेर नागरिक वडापत्रको जानाकारी,जनताको गुनासो सुनाई कार्यक्रमहरु र स्थानिय निकाय संग नागरिकको हुनु पर्ने सम्वन्धको वारेका तालिम तथा प्रशिक्षण दिने गरेको हो ।
यस्तै कार्यक्रम मंगलवार सस्थाले पश्चिम पाल्पाको वल्ढेङगढी गाविसमा पनि आयोजना गरि गाविसका वडानागरिक मञ्चका अध्यक्ष र नागरिक सचेतनाका सदस्यहरुलाई तालिम तथा प्रशिक्षण दिएको वल्ढेङगढी गाविसको कार्यालयले जानाकारी दिएको छ ।
९ वटा वडानागरिक मञ्चका ९ जना संयोजक तथा ३६ जना नागरिक सचेतना केन्द्रका सदस्यहरु र स्थानिय अगुवाहरुको सहभागिता रहेको थियो ।
गाविस सचिव हुमवहादुर कुवरको अध्यक्षता,एलओडिपी का संयोजक ठाकुर लोहारगुनको सञ्चालनमा कार्यक्रम सम्पन्न भएको थियो ।
