कोटाभन्दा १० हजार टन कम आयात
२९ वैशाख, काठमाडौं । अप्रिलमा कोटाभन्दा झन्डै १० हजार टन ग्यास कम आयत भएको छ ।
सरकारले कोटा बृद्धि गरी ३७ हजार टन आयात गर्न ग्यास उद्योगीलाई खरिद ढुवानी आदेश जारी गरे पनि २७ हजार १६२ टनमात्र आयत भएको आजको कारोबार दैनिकमा समाचार छ ।
भारतीय आयल कर्पोरेसनले मासिक ३७ हजार टन ग्यास दिन सकिने बताएपछि नेपाल आयल निगमले ग्यास उद्योगीलाई सोहीअनुसार पीडीओ जारी गरेको हो । ग्यास अभाव उस्तै भए पनि अप्रिलमा मार्चमा भन्दा कम आयात भएको छ ।
मार्चमा ३० हजार टन ग्यास आयत भएको थियो । आईओसीले पीडीओबमोजिम ग्यास दिदैँन र सरकारले त्यसका कुनै वास्ता नगर्ने नेपाल गयस उद्योग संघका अध्यक्ष शिव घिमिरेले जनाए ।
आइओसीको रिफाइनरीमा सय बुलेट पुगे पनि ३०(४० वटा मात्रै लोडिङ हुने गरेको व्यवसायी बताउँछन् । नाका खुलेको तीन महिना बितिसक्दा पनि ग्यास अभाव कयमै छ ।
मागबमोजिम आयत नहुँदा पहुँचअनुसार ग्यास वितरण हुने गरेको छ ।
….
