भैरहवा, ६ जेठ । नेपाल भारत सिमा नाका ठुठिबारीमा बम बिस्फोट हुदा एकै परिवारका २ जनाको घटना स्थलमै मृत्यु भएको छ । विस्फोटका कारण सोही परिवारका ३ जना गम्भिर घाइते भएका छन ।
नेपालको नवलपरासी जिल्ला र भारतको महराजगंज जिल्ला अन्र्तगत सीमा नाका ठुठिवारीमा बम विस्फोट भएको हो ।
स्थानिय प्रहरीले दिएको जनकारी अनुसार बिहिबार दिउसो २ बजे ठुुठीवारी बजारमा कबाड पसल गरि बस्ने ५० बर्षिय बिकाउ सहानीले कबाड ब्यावस्थापन गर्दा अचानक बिस्फोट भई सहानी र उनका ५ बर्षिय छोरा अमन सहानीको घटना स्थलमै मृत्यु भएको छ ।
घटनामा परि सहानीकी श्रीमति उर्मिला सहानी छोरी मिथिला सहानी र ममता सहानी गम्भिर घाईते भएका स्थानियहरुले जानाकारी दिएका छन् । घाईतेहरुको उपचार भारतको गोरखपुरमा भैरहेको हाम्रा सम्वाददाता राधेश्याम विस्वकर्माले जानाकारी गराए । घाईतेहरुको अवस्था चिन्ताजनक रहेको समेत उनले वताए ।
कबाड पसल गरि बसेका सहानीले नेपालबाट कबाड संकलन गरि लगेको र कबाडलाई हथौडीले हान्दा बिस्फोट भएको मृत्यकका आफ्न्तहरुले वताएका छन् ।
