काठमाडौं –हाँस्य टेलिश्रृंखला ‘तितोसत्य’ का चर्चित पात्र राजाराम अर्थात आरपी भट्टराईको निधन भएको छ । शुक्रबार बिहान विराटनगरस्थित फुपुको घरमा उनको निधन भएको कलाकार दिपक राज गिरीले जानकारी दिएका छन् ।
तितोसत्यसहित दर्जनौं टेलिफिल्म, चलचित्र लगायतमा अभिनय गरेका उनी गायक समेत हुन् ।
सुगर र प्रेसरबाट पीडित रहेका उनकी श्रीमती वैदेशिक रोजगारीका सिलसिलामा हाल इजरायलमा रहेकी छन् । अस्वाभाविक मोटाइका कारण आफुलाई चलचित्रमा अभिनय गर्न गाह्यो पर्ने गरेको उनी गुनासोे गर्ने गर्थे ।
