बुटवल,२३ साउन । पाल्पा बल्ढेङगढी समाज रुपन्देहीले साउन २५ गते बुधवार तिज बिशेस कार्यक्रम बुटवलमा गर्ने भएको छ ।
बुटवलको जितगढी पार्टी प्यालेसमा हुने तिज बिशेस कार्यक्रममा पाल्पा बल्ढेङगढी क्षेत्रमा जन्मभै रुपन्देहीमा बसोवास गर्ने सवैलाई निमन्त्रणा समेत गरिएको छ ।
कार्यक्रम भव्य र सभ्य बनाउनका लागी समाजकी सचिब लता खड्काको संयोजकमा ३ सदस्य समिति समेत गठन गरेको छ ।
समितिले समाजमा आवद्ध सदस्यहरु र बल्ढेङगढी क्षेत्रमा रही रुपन्देहीमा बस्नुहुने सवैलाई निमन्त्रणा दिनुका साथै कार्यक्रमलाई सफल पार्नका लागी बिशेस योजना बनाउने समाजका अध्यक्ष डिबि कार्कीले जानाकारी दिनुभयो ।
कार्यक्रममा जिल्लाको सालझण्डी, रामापुर, मुर्गिया, बुटवल, शंकरनगर, भैरहवा लगाएतका क्षेत्रमा बसोवास गर्ने बल्ढेङगढीवासीलाई सहभागी गराईने समेत समाजकी सदस्य रमा जि.सी.ले बताँउनुभयो ।
तिज बिशेस कार्यक्रममा कलाकारहरु सपना गाहा मगर, अर्जुन खड्का, मिना खड्का, प्रतिक्षा बि.सी. र समी कार्की लगाएतको तिज गित प्रस्तुती रहने समेत समाजले जानाकारी दिएको छ ।
