श्रीमती मार्नेलाई पनि यहाँ निर्दोष करार हुन्छ
पैसा, पावरमै न्यायलयमा न्यायको व्यापार हुन्छ !
भोकमरीले मर्दा मान्छे कसैले सुनेन चित्कार
भेटीमा चाहिँ उसकै नाममा दस बोरा चामल उपहार हुन्छ !
प्रेम प्रस्ताव अस्वीकार गरेर ज्यान जोखिममा राखि उस्ले
हे ईश्वर ! कहिलेसम्म यस्तो अत्याचार हुन्छ !
भ्रष्टाचार गर्दिन र गरेको छैन भनेर प्रचार गरियो
बिल हेर्दा चाहिँ मुल्य एकको चार हुन्छ !
जनताको ज्यान मात्रै बचाउन न सक्ने भो सरकारले
आफ्नो कुर्सी बचाउने त उपाय हजार हुन्छ !
लेखक – सन्दिप लम्साल (अनेरास्ववियु रुपन्देही क्याम्पस कमिटीका अध्यक्ष हुन् )
