गीत
ढुङ्गालाई पुजा गर्छ यहाँ एउटा मान्छे
सीताजीलाई शंका गर्छ यहाँ अर्को मान्छे
सिसीटिभीको निगरानीमा बस्ने गरायो
मान्छेलाई यति बेइमान कसले बनायो ?
इमान्दार बन्न कोही फुकी–फुकी पाइला चाल्छ
जन्मौँ भोकै भए सरी पाएजति कोही खान्छ
मान्छे–मान्छे वीच यति फरक कसले गरायो
मान्छेलाई यति बेइमान कसले बनायो ?
चन्द्रमामा बस्तीबसाउँछु भन्दै हिड्छ एउटा मान्छे
मदिरालाई नै जिन्दगी भन्ठान्छ अर्को मान्छे
एउटाले अर्कोलाई यहाँ नजान्ने गरायो
मान्छेलाई यति बेइमान कसले बनायो ?
– भैरहवा बहुमुखी क्याम्पस
