शहबाज खान
कपिलवस्तु ।साउदी अरेबियाले सुडानबाट विभिन्न देशका अलपत्र परेका थप १९९ व्यक्तिलाई स्वदेश फर्काएको छ ।
साउदी परराष्ट्र मन्त्रालय बाट जारि विज्ञप्ति अनुसार १० जना साउदी नागरिक र अन्यदेशका नागरिक बोकेको साउदी जहाज जेद्दास्थित किंग फैसल नौसेना बेसमा आइपुग्यो।
“साउदी अरेबियाको नेतृत्वको निर्देशनमा सुडानबाट आफ्ना नागरिक र मित्र राष्ट्रका नागरिकहरूलाई सुडानबाट उद्धारगर्ने प्रयासको निरन्तरतामा १० साउदी नागरिक र मित्र राष्ट्रका१८९ नागरिकहरू जेद्दा आइपुगेका छन् ’ विज्ञप्तिमा भनिएको छ ।
यसले सुडानबाट उद्धार कार्य सुरु भएदेखि हालसम्म ३५६जना, १०१ साउदी नागरिक र २६राष्ट्रका अन्य २५५ जनालाई उद्धार गरेको मन्त्रालयले जनाएको छ।
उद्धार गरिएकामा अमेरिका, बेलायत, स्वीडेन, इटाली, कतार, सिरिया, नेदरल्याण्ड, इराक, टर्की, तान्जानिया, लेबनान र लिबिया का बाशिंदाहरु रहेका छन् ।
जेद्दाहमा आफ्ना देशको प्रतिनिधित्व गर्ने एक दर्जनभन्दा बढी कूटनीतिज्ञहरू उद्धार गरिएका बाशिंदाहरु लाइ स्वागत गर्न उपस्थित थिए।
साउदी अरेबियाले विदेशी नागरिकहरूलाई उनीहरूको देशमा प्रस्थान गर्नका लागि सहजीकरण गरेको छ।
