अन्जना चौहान ।लुम्बिनीखबर
लुम्बिनी, ५ वैशाख। कपिवस्तु जिल्लाको शुद्धोधन गाउँपालिकाका अध्यक्ष कमलेशशरण चौधरी माथि गएको मध्यरातमा गोली प्रहार भएको छ।
मायादेवी गाउँपालिका वडा नं – १ स्थित आफ्नो निवासमा बसेका अध्यक्ष चौधरी माथि गोली चलेको हो । सो घटना राती करिव साढे ११ बजेको समयमा घटेको हो ।
अध्यक्ष चौधरी घरसगैँ सटेको शौचालयमा शौच गर्न जाने क्रममा सोही मौका छोपी केही अज्ञात ब्यक्तिले गोली चलाएका हुन् ।
गोली चलाउने ब्यक्ति उचाइमा आफु भन्दा अग्लो रहेको र मुखमा सेता पट्टी बाधेको अध्यक्ष चौधरीले बताएका छन् ।
गोली लाग्नबाट बालबाल बचेका चौधरीले आफुलाई फसाउने कुनै माध्यम नदेखेपछि केही तत्वले प्रहार गर्न खोजेको बताएका छन् ।
सो घटना हुन साथ अध्यक्ष चौधरीको घरमा प्रहरीको टोली पुगी घटना स्थलमा पुगी एक थान गोलीको खोका बरामद भएको छ भने त्यसैका आधारमा अनुसन्धान अगाडी बढाएको जिल्ला प्रहरी कार्यालय कपिलवस्तुका सुचना अधिकारी प्रहरी नायब उपरीक्षक मोहन मणि अधिकारीले जानकारी दिएका छन्। उनका अनुसार, -‘ गोली प्रहार गर्ने ब्यक्तिको खोज अनुसन्धान भई रहेको छ। ‘
