लुम्बिनीखबर
सिद्धार्थनगर, साउन । रुपन्देहीका प्रमुख जिल्ला अधिकारी (सिडियो) बासुदेव घिमिरे विद्युत आपूर्तिको अनियमितता, लो–भोल्टेज र सिस्टमको समस्या समाधान गर्न निर्देशन दिएका छन् ।
जिल्लाका नेपाल विद्युत प्राधिकरण एवं मातहतका प्रमुखहरू तथा सरोकारवालालाई आइतवार विद्युत आपूर्तिको अनियमितता र लो–भोल्टेजको समस्या समाधान एवं विद्युत्त वितरण प्रणालीलाई भरपर्दो र व्यवस्थित बनाउन निर्देशन दिएका छन् ।
उनले रुपन्देहीका विद्युत्त वितरण प्रणालीलाई भरपर्दो र व्यवस्थित बनाउन, लो–भोल्टेज समस्यालाई तत्काल समाधान गर्न, नियमित मर्मतसम्भार गर्न र उपभोक्ताहरूको गुनासो तुरुन्त सम्बोधन गर्न निर्देशन दिए ।
यो निर्देशन जिल्ला प्रशासन कार्यालयमा बैठक बसी विद्युत आपूर्तिमा देखिएको समस्याले यहाँका घरेलु क्षेत्र, औद्योगिक, बाणिज्य तथा सार्वजनिक क्षेत्रमा असर परेको गुनासो आइरहको बताए ।
प्राधिकरणहरुले आआफनो क्षेत्रमा नयाँ र क्षमतावान पोल, ट्रान्सर्फम जडान गरी जनताको समस्या समाधान गर्न निर्देशन दिएका हुन् ।
