लुम्बिनीखबर
भैरहवा ।नेपाल सरकारले असोज १ गते शोक दिवस मनाउने निर्णय गरेको छ। सोमबार बसेको मन्त्रिपरिषद् बैठकले यो निर्णय गरेको गृह तथा कानुनमन्त्री ओमप्रकाश अर्यालले जानकारी दिए।
मन्त्री अर्यालका अनुसार, असोज १ गते सार्वजनिक बिदा दिइने छ र जेनजी आन्दोलनका क्रममा ज्यान गुमाएका व्यक्तिहरूलाई राष्ट्रिय झण्डा ओढाएर सम्मान गरिनेछ। साथै, आन्दोलनमा शहादत प्राप्त व्यक्तिहरूलाई शहीद घोषणा गरिएको छ। ज्यान गुमाएका व्यक्तिहरूलाई राष्ट्रिय सम्मानसहित अन्त्येष्टि गरिने निर्णय पनि भएको छ।
जेनजी आन्दोलनका क्रममा भदौ १४ र २३ गते देशभर ७२ जनाले ज्यान गुमाएका थिए भने २,३१६ जना घाइते भएका थिए। घाइतेमध्ये २८३ जना अझै देशका विभिन्न अस्पतालमा उपचाररत छन्, जबकि अन्य निको भएर घर फर्किसकेका छन्।
