अन्जना चौहान। लुम्बिनीखबर
लुम्बिनी, माघ। लुम्बिनीमा प्रहरीले भारतबाट भन्सार छली गरी ल्याइँदै गरेको ५० पिस (सय केजी) जिउँदो बोइलर कुखुरा र मोटरसाइकल नियन्त्रणमा लिएको छ।
लुम्बिनी सांस्कृतिक नगरपालिका–३, लंकापुर भित्री सडकमा प्रहरी सहायक निरीक्षक टोपबहादुर घालेको कमाण्डमा खटिएको गस्ती टोलीले लु २ प ३८९७ नम्बरको हिरो हन्डा मोटरसाइकलमा लोड गरिएको कुखुरा फेला पारेको हो।
कुखुराको मूल्य २५ हजार र मोटरसाइकलको ५० हजार गरी जम्मा ७५ हजार बराबरको सामान नियन्त्रणमा लिइ कार्यालयमा राखिएको छ। मोटरसाइकल चालक फरार छन्। थप अनुसन्धान भइरहेको छ।
यो जानकारी लुम्बिनी इलाका प्रहरी निरीक्षक होमनाथ रेग्मीले दिनुभएको हो।
