लुम्बिनीखबर
मर्चवार, फागुन । रुपन्देही क्षेत्र नं. ४ (मर्चवार क्षेत्र) बाट जनमत पार्टीका प्रतिनिधिसभा सदस्य उम्मेदवार भुपेन्द्र प्रसाद यादव को चुनावी अभियान निकै तीव्र र प्रभावकारी बन्दै गएको छ । विगतको निर्वाचनमा धेरै मत हासिल गरेका यादव यसपालि क्षेत्रको समग्र विकास र परिवर्तनको मुद्दालाई मुख्य एजेन्डा बनाएर मतदातासँग घरदैलो तथा कोण सभामार्फत प्रत्यक्ष जोडिएका छन् ।
मर्चवार क्षेत्र, जसमा कोटहीमाई, मर्चवारी, सम्मरीमाई गाउँपालिका लुम्बिनी सांस्कृतिक नगरपालिका लगायतका समेटिएका छन्, विकासको दृष्टिले पछाडि परेको र सीमावर्ती भएकोले आधारभूत पूर्वाधार, कृषि, शिक्षा, स्वास्थ्य, सडक, सिंचाई तथा रोजगारीका अवसरहरूमा ठूलो अभाव रहेको मतदाताहरूले बताउने गरेका छन् । यादवले यिनै स्थानीय समस्यालाई सम्बोधन गर्दै आफ्नो अभियानलाई अगाडि बढाइरहेका छन् ।
यादव विभिन्न तहका पार्टी कार्यकर्ता, युवा, महिला तथा स्थानीय बुद्धिजीवीहरूसहित घर–घरमा पुगेर मतदातासँग अन्तरक्रिया गरिरहेका छन् । उनीहरूले मतदाताका गुनासा सुन्ने, समस्या बुझ्ने र समाधानको प्रतिबद्धता व्यक्त गर्ने गरेका छन् । अभियानमा यादवले भनेका छन्, “मर्चवारको मुहार फेर्ने संकल्प बोकेर मैदानमा होमिएको छु । विगतमा मत दिए पनि समस्या सुन्ने कोही भएनन्, यसपालि जनमत पार्टीले विकासको नयाँ युग ल्याउने छ ।”
यादवले प्रचार प्रसारमा महत्वपूर्ण विकासका मुद्दाहरू जोड दिएका छन् । कृषि तथा सिंचाई क्षेत्रको अधिकांश जनता कृषिमा निर्भर छन् । उन्नत बीउ, मल, सिंचाई सुविधा विस्तार, कृषि बजारको व्यवस्था र न्यूनतम समर्थन मूल्य सुनिश्चित गर्ने । ग्रामीण सडकको स्तरोन्नति, पुल निर्माण, बिजुली तथा खानेपानीको पहुँच वृद्धि, सीमावर्ती क्षेत्र भएकाले सीमा सुरक्षा र व्यापारिक सम्बन्ध मजबुत बनाउने, स्कूलहरूमा गुणस्तरीय शिक्षा, छात्रवृत्ति, नशामुक्ति अभियान विस्तार तथा अस्पताल, स्वास्थ्य चौकीको स्तरोन्नति काम गर्ने बताएका छन् । महिलाहरूका लागि सीप विकास तालिम, स्वरोजगारका अवसर र युवाहरूका लागि रोजगारी तथा सीप विकास कार्यक्रम मर्चवारलाई समृद्ध बनाउने गरी संघीय सरकारबाट बजेट तथा योजनाहरू ल्याउने प्रतिबद्धता जनाएका छन् ।
कोण सभाहरूमा यादवले जनमत पार्टीका अध्यक्ष डा. सीके राउतको नेतृत्व र पार्टीको नीतिलाई जोड दिएका छन् । उनी भन्छन्, “जनमत पार्टीले मधेश र पिछडिएका क्षेत्रको हकहितका लागि लडिरहेको छ । मर्चवारका जनताले यसपालि परिवर्तनको छाप लगाउने छन् ।”
अभियानमा हजारौं कार्यकर्ता तथा समर्थकहरू सहभागी भएका छन् । सामाजिक सञ्जालमा “भोपेन्द्र यादव जिन्दावाद”, “जन जनमा हर्न छाप” जस्ता नारा र भिडियोहरू भाइरल भइरहेका छन् । स्थानीयहरूले यादवलाई “गरिबको मसीहा” र “विकासको आशा” का रूपमा हेर्न थालेका छन् । मतदाताहरूले विगतका निर्वाचितहरूले समस्या नसुनेको गुनासो गर्दै यादवको सक्रियता र स्पष्ट एजेन्डालाई सकारात्मक ठानेका छन् ।
यस क्षेत्रमा मुख्य प्रतिस्पर्धा जनमत पार्टीका भुपेन्द्र यादव, एमालेका प्रमोद कुमार यादव, नेपाली कांग्रेसका आशुतोष मिश्र र अन्य उम्मेदवारहरूबीच देखिएको छ । तर यादवको निरन्तर घरदैलो र विकासकेन्द्रित प्रचारले जनतामा सकारात्मक प्रभाव पारेको छ । जनमत पार्टीका यो अभियानले रुपन्देही क्षेत्र नं. ४ मा नयाँ आशा र उत्साह जगाएको छ । मतदाताहरूले यसपालि विकास र परिवर्तनका लागि भोट दिने विश्वास नेतृत्वले व्यक्त गरेका छन् ।
भुपेन्द्र यादवको चुनौति मर्चवारबाट आफु नै जित्ने हेक्का रहेको छ । रुपन्देही क्षेत्र नं. ४ बाट जनमत पार्टीका उम्मेदवार यादव यस पालिको चुनावमा अन्य दल तथा पार्टीका उम्मेदवारको लागि चुनौति दिइरहेका छन् । यादवले विगतको चुनावमा मतदाताहरुले अरु माथि विश्वास गरेर जिताएर पठाएपनि खासै परिवर्तन नदेखिएको बताएका छन् । गरीब, असहाय, मजदुरको पक्षमा केही खासै हितका लागि नभएको, समान्तवादी पूजीपतिहरु जितेर गएपछि तस्करी, गुण्डागर्दी, शासन मात्र हावी भएको बताउदैं आफ्नो उम्मेदवारी मर्चवार क्षेत्रका बोल्न नसक्नेहरुको लागि र नेता होइन वेटा बनेर मौका दिनेछन भन्ने विश्वास व्यक्त गरेका छन् ।
यो क्षेत्रमा विगतको लामो समयदेखि विभिन्न किसिमका आश्वासन प्रलोभनमा पारेर जनतालाई बेवकुप बनाउने कार्य मात्र हुदै आएको छ । त्यसकारण जनता यो पालिको निर्वाचनमा आफूहरु ढुक्क छन् । सामाजिक सन्जालमा जे देखिएपनि वास्तविक कुरा जनता समक्ष गएइपछि मात्र देखिन्छ । यो क्षेत्रमा जनताका धेरै गुनासाहरु छन पूराना पार्टी र उम्मेदवार प्रति तर ती उम्मेदवारलाई विभिन्न बहानामा जनतालाई भ्रममा पारेका छन् । त्यहा जमिनदार, पुजी पतिहरुले गरीब, असहाय जनतालाई नोकरको रुवपमा व्यवहार गरेको र यदि कुरा नमाने आफूहरु गर्नका लागि दिएका खेती, जमिन हुन्डा, अधियार काम समेत नदिने जनताको गुनासो समेत रहेको यादवको भनाई छ ।
यादवका अनुसार –“यस क्षेत्रमा जनतालाई विभिन्न बहानामा दवाव दिइरहेका छन् प्रतिनिधीहरुले त्यसकारण मतदाताहरु खुलेर भनेका छैनन् तर फागुन २१ गते उनीहरु आफनो गोप्य परिवर्तनको छाप लगाउने छन् ।”
