लुम्बिनीखबर
लुम्बिनी, फागुन । निर्वाचन आचारसंहिता लागू भएको अवस्थामा रातिको समयमा अवैध रूपमा मदिरा ओसारपसार भइरहेको विशेष सूचनाको आधारमा प्रहरीले ठूलो परिमाणमा मदिरा नियन्त्रणमा लिएको छ ।
इलाका प्रहरी कार्यालय लुम्बिनीका अनुसार लु.स.न.पा.–१२, अमहवामा शंकास्पद गतिविधि देखिएपछि चेकजाँच गर्ने क्रममा ‘इश्क’ ब्रान्डको १३ कार्टुन अर्थात् ३९० पिस मदिरा बरामद भएको हो ।
प्रहरी टोलीले तत्कालै उक्त मदिरा नियन्त्रणमा लिएको र आवश्यक अनुसन्धान तथा कानुनी प्रक्रिया अगाडि बढाइएको प्रहरी स्रोतले बताएको छ ।
निर्वाचन आचारसंहिताको स्पष्ट उल्लंघन भएको यो घटनामा प्रहरीले थप अनुसन्धान गरी दोषीमाथि कारबाही गर्ने जनाएको छ । यस किसिमका अवैध गतिविधिलाई नियन्त्रण गर्न प्रहरीले विशेष निगरानी बढाएको छ ।
