पशुपति यादव। लुम्बिनीखबर
रोहिणी, १३ असोज । ओमसतिया गाउँपालिका वडा नं. ६ कार्यालयले आर्थिक वर्ष २०८३/०८४ को योजनाअन्तर्गत नैनपुर वडा नं. ६ का लागि बजेट विनियोजन भएको छठघाट निर्माणसम्बन्धी विषयमा छोटकी रामनगर माध्यमिक विद्यालयसँग सिफारिस माग गरेको छ।
वडा कार्यालयले मिति २०८३ असार १३ गते जारी गरेको पत्रमा छठघाट निर्माण गर्ने ठाउँ छोटकी रामनगर मा.वि.को लालपुर्जाभित्र पर्छ वा पर्दैन तथा विद्यालयभित्रको जग्गामा रहेको पोखरीमा छठघाट बनाउन मिल्छ वा मिल्दैन भन्ने विषयमा विद्यालयबाट निर्णयसहितको लिखित एताशिष्ट जवाफ पठाउन आदेशसहित अनुरोध गरिएको छ।
पत्र वडा कार्यालयका का.वा. वडा अध्यक्ष राजु कोहारले हस्ताक्षर गरी पठाएका हुन्। यसको बोधार्थ ओमसतिया गाउँपालिकाको गाउँकार्यपालिकाको कार्यालय, शिक्षा शाखा र योजना शाखालाई समेत दिइएको छ।
वडा कार्यालयले यस विषयमा विद्यालयको स्पष्ट धारणा माग गरेसँगै स्थानीय तहमा छठघाट निर्माणको ठाउँ निर्धारण प्रक्रिया अगाडि बढ्ने अपेक्षा गरिएको छ।
